31.4 C
Sidlaghatta
Tuesday, March 19, 2024

ಕಿರಿಯ ವಯಸ್ಸಿಗೆ ನಗರದ ಪೋರನಿಗೆ ಬ್ಲಾಕ್ ಬೆಲ್ಟ್

- Advertisement -
- Advertisement -

ಅತ್ಯಂತ ಕಿರಿಯ ವಯಸ್ಸಿಗೆ ಕರಾಟೆ ಬ್ಲಾಕ್ ಬೆಲ್ಟ್ ಪಡೆದು ನಗರದ ಪೋರ ಟಿ.ಎನ್.ಹೇಮಂತ್ ತಾಲ್ಲೂಕಿಗೆ ಈ ಸಾಧನೆ ಮಾಡಿದ ಮೊದಲಿಗನಾಗಿದ್ದಾನೆ.
ನಗರದ ಕ್ರೆಸೆಂಟ್ ಶಾಲೆಯಲ್ಲಿ ಐದನೇ ತರಗತಿಯಲ್ಲಿರುವ ಹತ್ತು ವರ್ಷ ವಯಸ್ಸಿನ ಹೇಮಂತ್ ಗೋಜು ರಿಯು ಸೇವಾ ಕೈ ಕರಾಟೆ ಡೋ ಇಂಡಿಯಾ ಶೈಲಿಯ ಕರಾಟೆಯಲ್ಲಿ ಬ್ಲಾಕ್ ಬೆಲ್ಟ್ ಸಂಪಾದಿಸಿದ್ದಾನೆ. ವಿವಿಧ ಶಿಕ್ಷಕರಿಂದ ಸುಮಾರು ಎಂಟು ವರ್ಷಗಳಿಂದ ಅಭ್ಯಾಸ ಮಾಡುತ್ತಾ ಬಂದಿದ್ದು ಈಚೆಗೆ ಮುಂಬೈನಲ್ಲಿ ನಡೆದ ಕರಾಟೆ ಪರೀಕ್ಷೆಯಲ್ಲಿ ಉತ್ತೀರ್ಣನಾಗಿದ್ದಾನೆ.
ನಗರದ ಟಿ.ಟಿ.ನರಸಿಂಹಪ್ಪ ಮತ್ತು ಲಕ್ಷ್ಮೀ ದಂಪತಿಗಳ ಮಗನಾದ ಹೇಮಂತ್ ತನ್ನ ನಾಲ್ಕನೇ ವಯಸ್ಸಿನಿಂದಲೇ ಕರಾಟೆ ಕಲಿಯಲು ಪ್ರಾರಂಭಿಸಿದ್ದ. ಸತತ ಪರಿಶ್ರಮದಿಂದ ವೈಟ್, ಎಲ್ಲೋ, ಗ್ರೀನ್, ಬ್ರೌನ್ ಬೆಲ್ಟ್ಗಳ ಒಂಭತ್ತು ಪರೀಕ್ಷೆಗಳಲ್ಲಿ ಹಂತಹಂತವಾಗಿ ಉತ್ತೀರ್ಣನಾಗುತ್ತಾ ಹತ್ತನೆಯ ಮೆಟ್ಟಿಲನ್ನು ಏರಿದ್ದಾನೆ.

ಟಿ.ಎನ್.ಹೇಮಂತ್

ಒಂದು ಅಂತರರಾಷ್ಟ್ರೀಯ ಕರಾಟೆ ಸ್ಪರ್ಧೆಯಲ್ಲಿ ಭಾಗವಹಿಸಿರುವ ಹೇಮಂತ್ ಹಲವು ರಾಜ್ಯ ಮತ್ತು ರಾಷ್ಟ್ರಮಟ್ಟದ ಕರಾಟೆ ಸ್ಪರ್ಧೆಗಳಲ್ಲಿ ಭಾಗವಹಿಸಿ ಬಹುಮಾನಗಳನ್ನು ಪಡೆದಿದ್ದಾನೆ.
‘ನನಗೆ ಕ್ರೀಡೆಯಲ್ಲಿ ಮೊದಲಿನಿಂದಲೂ ಆಸಕ್ತಿ. ಪಾಠದಷ್ಟೇ ಕ್ರೀಡೆಗೂ ಮಹತ್ವವನ್ನು ನೀಡಬೇಕೆಂಬುದು ಬಯಸುತ್ತೇನೆ. ಅದರಿಂದಲೇ ಹೇಮಂತನಿಗೂ ಈ ಬಗ್ಗೆ ಆಸಕ್ತಿ ಕುದುರಿತು. ಅವನು ಚಿಕ್ಕ ವಯಸ್ಸಿನವನಿದ್ದಾಗ ಶ್ರೀನಿವಾಸ್ ಮೊದಲು ಒಂದು ತಿಂಗಳು ಕರಾಟೆ ಕಲಿಸಿದರು. ನಂತರ ಅವನ ಗುರುವಾದವರು ಅರುಣ್ ಕುಮಾರ್. ಈಗ ಹೇಮಂತ್ನಿಗೆ ಎಂ.ಡಿ.ಜಬೀವುಲ್ಲಾ ತರಬೇತಿ ನೀಡುತ್ತಿದ್ದಾರೆ. ಪ್ರತೀ ವರ್ಷ ಮುಂಬೈನಲ್ಲಿ ಚಿತ್ರನಟ ಅಕ್ಷಯ್ ಕುಮಾರ್ ಏರ್ಪಡಿಸುವ ಕರಾಟೆ ಶಿಬಿರಕ್ಕೆ ತಪ್ಪದೆ ಹೋಗುತ್ತಾನೆ. ಗೋಜು ರಿಯು ಸೇವಾ ಕೈ ಕರಾಟೆ ಡೋ ಇಂಡಿಯಾ ವತಿಯಿಂದ ನಡೆಯುವ ಸ್ಪರ್ಧೆಗಳು ಮತ್ತು ಪರೀಕ್ಷೆಗಳಲ್ಲಿ ಪಾಲ್ಗೊಳ್ಳುತ್ತಾನೆ. ಮೊದಮೊದಲು ಅವನು ತುಂಬಾ ಚಿಕ್ಕವನಿದ್ದಾಗ ಮುಂಬೈಗೆ ಎಂಟು ದಿನಗಳ ಕಾಲ ಕಳಿಸುವಾಗ ಆತಂಕವಾಗುತ್ತಿತ್ತು. ಆದರೆ ಅವನ ಕರಾಟೆ ಶಿಕ್ಷಕರು ಪ್ರೀತಿಯಿಂದ ಕರೆದೊಯ್ದು ಕರೆತರುತ್ತಿದ್ದರು. ಅಂಥಹ ಗುರುಗಳು ಸಿಕ್ಕಿದ್ದು ಅವನ ಅದೃಷ್ಟ’ ಎನ್ನುತ್ತಾರೆ ಹೇಮಂತ್ನ ತಂದೆ ಟಿ.ಟಿ.ನರಸಿಂಹಪ್ಪ.
‘ಕರಾಟೆಯಲ್ಲಿ ವರ್ಷಗಟ್ಟಲೆ ಸಾಧನೆ ಮಾಡುವವರು ಕಡಿಮೆ. ಚಿಕ್ಕ ವಯಸ್ಸಿನಲ್ಲಿಯೇ ಕಲಿಯಲು ಪ್ರಾರಂಭಿಸಿದರೆ ಸಾಧನೆ ಮಾಡಬಹುದು ಎಂಬುದಕ್ಕೆ ಹೇಮಂತ್ ಉದಾಹರಣೆಯಾಗಿದ್ದಾನೆ. ವೈಟ್ ಬೆಲ್ಟ್ ನಿಂದ ಪ್ರಾರಂಭಿಸಿ ಬ್ಲಾಕ್ ಬೆಲ್ಟ್ ತಲುಪುವುದು ಒಂದು ಸುದೀರ್ಘ ಹಾದಿ. ಹೇಮಂತ್ ಈ ವಯಸ್ಸಿಗೇ ಅದನ್ನು ಸಾಧಿಸಿರುವುದು ಹೆಮ್ಮೆಯ ವಿಷಯ’ ಎಂದು ಗೋಜು ರಿಯು ಸೇವಾ ಕೈ ಕರಾಟೆ ಡೋ ಇಂಡಿಯಾ ರಾಜ್ಯ ಘಟಕದ ಅಧ್ಯಕ್ಷ ಎಂ.ಡಿ.ಜಬೀವುಲ್ಲ ತಿಳಿಸಿದರು.

Subscribe to ನಮ್ಮ ಶಿಡ್ಲಘಟ್ಟ Newspaper

Launching Soon! Register for your Free Newspaper Copy Today.

- Advertisement -

Just Published

Latest news

- Advertisement -

Covid-19

Silk

Related news

- Advertisement -

LEAVE A REPLY

Please enter your comment!
Please enter your name here
This site is protected by reCAPTCHA and the Google Privacy Policy and Terms of Service apply.

The reCAPTCHA verification period has expired. Please reload the page.
Captcha verification failed!
CAPTCHA user score failed. Please contact us!
error: Content is protected !!