1. ಶರೀರ ಹಾಗೂ ಮನಸ್ಸು ಆರೋಗ್ಯವಂತರಾಗಿರಲು, ಕ್ರಿಯಾಶೀಲರಾಗಿರಲು ಆಟ (ಕ್ರೀಡೆ) ಎಂಬ ಚಟುವಟಿಕೆ ಅಗತ್ಯ.
2. ಹೊರಾಂಗಣದ ಕ್ರೀಡೆಗಳಾದ ಓಟ, ಕೊಕ್ಕೋ, ಕಬಡ್ಡಿ, ವಾಲಿಬಾಲ್, ಪುಟ್ಬಾಲ್, ಥ್ರೋಬಲ್ನಂಥ ಆಟಗಳು ಹಾಗೂ ಒಳಾಂಗಣದ ಆಟಗಳಾದ ಚದುರಂಗ (ಚೆಸ್), ಕೇರಂ, ಪಗಡೆ, ಚನ್ನೆಮಣೆ, ಚೌಕಾಭಾರದಂಥ ಆಟಗಳು ಆರೋಗ್ಯ ರಕ್ಷಣೆಗೆ ಸಹಕಾರಿ.
4. ಊಟ ಆದ ತಕ್ಷಣ ಅಥವಾ ಆಹಾರ ಸೇವಿಸಿದ ತಕ್ಷಣ ಅತಿಯಾದ ಬಿಸಿಲಿನಲ್ಲಿ, ಮಹಡಿಯ ಮೇಲೆ ಆಡುವುದು ಒಳ್ಳೆಯದಲ್ಲ.
5. ಹೊರಾಂಗಣದ ಆಟ ಆಡಿದ ತಕ್ಷಣ ನೀರು-ಆಹಾರ ಸೇವನೆ ಒಳ್ಳೆಯದಲ್ಲ, ಹದಿನೈದು ನಿಮಿಷಗಳ ವಿಶ್ರಾಂತಿಯ ನಂತರ ನೀರು-ಲಘು ಆಹಾರವನ್ನು ಸೇವಿಸಬೇಕು.
6. ಬೇಸಿಗೆ ಹಾಗೂ ಚಳಿಗಾಲದಲ್ಲಿ ಹೊರಾಂಗಣದ ಆಟಗಳನ್ನು ಆಡಬಹುದು. ಮಳೆಗಾಲದಲ್ಲಿ ಒಳಾಂಗಣದ ಆಟಗಳನ್ನು ಆಡಬೇಕು.
7. ಆಟದಲ್ಲಿ ಸೋಲು ಗೆಲುವಿಗಿಂತ ಸಂತೋಷವಾಗಿ ಆಡುವುದು ಬಹಳ ಮುಖ್ಯ.
8. ಸಂಜೆ ಹೊತ್ತು ಮುಸ್ಸಂಜೆಗಿಂತ ಮೊದಲು ಹೊರಾಂಗಣದ ಆಟಗಳನ್ನು ಆಡಬೇಕು.
9. ತಂಡದ ಆಟಗಳಲ್ಲಿ ಭಿನ್ನಾಭಿಪ್ರಾಯ ಬಂದಾಗ ನಿಧಾನವಾಗಿ ಶಾಂತಚಿತ್ತದಿಂದ ಪರಸ್ಪರ ಮಾತಿನಲ್ಲಿ ಬಗೆಹರಿಸಿಕೊಳ್ಳಬೇಕು ಹಾಗೂ ಆಟವನ್ನು ಮುಕ್ತಮನಸ್ಸಿನಿಂದ ಮತ್ತೆ ಪ್ರಾರಂಭಿಸಬೇಕು.
10. ಪ್ರತಿದಿನ ಕನಿಷ್ಟ ಅರ್ಧ ಗಂಟೆಯಾದರೂ ಆಟಗಳಲ್ಲಿ ಭಾಗವಹಿಸಬೇಕು. ಹೊರಾಂಗಣ ಹಾಗೂ ಒಳಾಂಗಣದ ಆಟಗಳನ್ನು ಒಂದು ವಾರದಲ್ಲಿ ದಿನಬಿಟ್ಟು ದಿನದಂತೆ ಆಯ್ದುಕೊಂಡು ಆಡುವುದು ಒಳ್ಳೆಯದು.
11. ಆಟವೂ ಒಂದು ಕಲಿಕೆಯ ಸಾಧನ, ಹೊರಾಂಗಣದ ಆಟಗಳಿಂದ ಸುದೃಢವಾದ ಶರೀರ ರೂಪುಗೊಳ್ಳುತ್ತದೆ. ಹಾಗೆಯೇ ಹೊಂದಾಣಿಕೆ ಗುಣವು ಬೆಳೆಯುತ್ತದೆ. ಒಳಾಂಗಣದ ಆಟಗಳಿಂದ ಸಹನೆ, ಗ್ರಹಿಕೆ, ಬುದ್ಧಿವಂತೆಕೆ, ನೆನಪಿನ ಶಕ್ತಿಗಳು ಹೆಚ್ಚಾಗುತ್ತವೆ.
13. ವಿವಿಧ ರೀತಿಯ ಶಾರೀರಿಕ ವ್ಯಾಯಾಮ, ಯೋಗಾಭ್ಯಾಸವನ್ನು ಮಾಡಬಹುದು.
14. ಉಸಿರಾಟವೆಂಬುದು ಪ್ರಮುಖವಾದ ಶಾರೀರಿಕ ಕ್ರಿಯೆ. ನಿಧಾನಗತಿಯ ಸಮಪ್ರಮಾಣದ ಉಸಿರಾಟದ ಕಡೆಗೆ ಯಾವಾಗಲೂ ಗಮನ ಕೊಡಬೇಕು. ಇದರಿಂದ ಮನಸ್ಸು ಶಾಂತವಾಗುತ್ತದೆ, ಶರೀರವೂ ವಿಶ್ರಾಂತಿಯನ್ನು ಹೊಂದುತ್ತದೆ.
15. ಆಟವಾಡಿದ ನಂತರ ಅಥವಾ ವ್ಯಾಯಾಮ ಮಾಡಿದ ನಂತರ ಬೆಚ್ಚಗಿನ ನೀರಿನಿಂದ ಸ್ನಾನ ಮಾಡಿದರೆ ಎಲ್ಲ ಆಯಾಸ ಪರಿಹಾರವಾಗುತ್ತದೆ.
ಡಾ. ಶ್ರೀವತ್ಸ
