1. ಬೇಸಿಗೆ ಕಾಲ, ಮಳೆಯ ಹಾಗೂ ಚಳಿಗಾಲಕ್ಕೆ ತಕ್ಕಂತೆ ನಮ್ಮ ಆಹಾರ ಪದ್ಧತಿ ಹಾಗೂ ದಿನಚರಿಗಳಲ್ಲಿ ಸ್ವಲ್ಪ ಬದಲಾವಣೆಗಳನ್ನು ಮಾಡಿಕೊಳ್ಳಬೇಕು.
2. ಚಳಿಗಾಲದಲ್ಲಿ ಬೆಚ್ಚಗಿರುವ ಉಣ್ಣೆ ಬಟ್ಟೆಗಳನ್ನು ಧರಿಸಬೇಕು. ಮನೆಯಿಂದ ಹೊರಗೆ ಹೋಗುವಾಗ ಕಿವಿಯಲ್ಲಿ ಹತ್ತಿ ಇಟ್ಟುಕೊಳ್ಳುವುದು ಒಳ್ಳೆಯದು.
3. ಪೋಷಕಾಂಶ ಹೆಚ್ಚಿರುವ ಹಾಲಿನ ಉತ್ಪನ್ನಗಳಾದ ಹಾಲು, ಮೊಸರು, ಬೆಣ್ಣೆ, ತುಪ್ಪಗಳನ್ನು ಹೆಚ್ಚಿನ ಪ್ರಮಾಣದಲ್ಲಿ ಚಳಿಗಾಲದಲ್ಲಿ ಸೇವಿಸಬೇಕು. ಎಳ್ಳು, ಬೆಲ್ಲ, ಉದ್ದು – ಇವುಗಳ ಸೇವನೆ ಒಳ್ಳೆಯದು.
5. ಸಾಧ್ಯವಾದರೆ ಪ್ರತಿದಿನ, ಅಥವಾ ವಾರಕ್ಕೆರಡು ಬಾರಿ ಚಳಿಗಾಲದಲ್ಲಿ ತಪ್ಪದೇ ಎಳ್ಳೆಣ್ಣೆಯನ್ನು ಹಚ್ಚಿಕೊಂಡು ಸ್ನಾನಮಾಡಬೇಕು.
6. ಚಳಿಗಾಲದಲ್ಲಿ ಸ್ನಾನಕ್ಕೆ ಹಾಗೂ ಕುಡಿಯಲು ಬಿಸಿನೀರನ್ನು ಬಳಸುವುದು ಸೂಕ್ತ.
7. ಚಳಿಗಾಲದಲ್ಲಿ ಅಂಗೈ, ಅಂಗಾಲುಗಳು ಸಾಮಾನ್ಯವಾಗಿ ಬಿರುಕು ಬಿಡುತ್ತವೆ. ಇದನ್ನು ತಪ್ಪಿಸಲು ಈ ಜಾಗಗಳಿಗೆ ಎಳ್ಳೆಣ್ಣೆಯನ್ನು ನೀವಬೇಕು.
8. ಚಳಿಗಾಲದಲ್ಲಿ ಸಂಜೆ ಹೊತ್ತು ಇನ್ನೂ ಬಿಸಿಲಿದ್ದಾಗ ಹೊರಾಂಗಣದ ಆಟಗಳನ್ನು ಆಡುವುದು ಒಳಿತು.
10. ನೀರಿನ ಅಂಶವಿರುವ ಹಣ್ಣುಗಳಾದ ಕಲ್ಲಂಗಡಿ, ಕರಬೂಜ, ಕಿತ್ತಳೆ, ಮೂಸಂಬಿ, ತಾಳೆಹಣ್ಣು, ದ್ರಾಕ್ಷಿ ಇವುಗಳನ್ನು ಉಷ್ಣಕಾಲದಲ್ಲಿ ಸೇವಿಸಬೇಕು. ಇವುಗಳ ರಸವನ್ನೂ ಸೇವಿಸಬಹುದು.
11. ಸುಲಭವಾಗಿ ಜೀರ್ಣವಾಗುವಂಹ ಹಳೆಯ ಅಕ್ಕಿಯ ಅನ್ನ, ಹೆಸರುಬೇಳೆ ಸಾರು-ಇವುಗಳ ಸೇವನೆ ಬೇಸಿಗೆ ಕಾಲದಲ್ಲಿ ಸೂಕ್ತ.
12. ಅತಿಯಾದ ಖಾರವಾದ ಅಹಾರ ಪದಾರ್ಥಗಳು, ಎಣ್ಣೆ ತಿನಿಸುಗಳು ಬಿಸಿಲುಗಾಲದಲ್ಲಿ ಒಳ್ಳೆಯದಲ್ಲ.
13. ಬಿಸಿಲುಗಾಲದಲ್ಲಿ ಅತಿಯಾಗಿ ಬೆವರುವುದರಿಂದ ದಿನಕ್ಕೆ ಎರಡುಬಾರಿ ಉಗುರುಬೆಚ್ಚಗಿನ ನೀರಿನಲ್ಲಿ ಸ್ನಾನ ಮಾಡುವುದು ಒಳಿತು.
15. ಮಳೆಗಾಲದಲ್ಲಿಯೂ ಸಹ ಬೆಚ್ಚಗಿರುವ ಬಟ್ಟೆಗಳನ್ನೇ ಧರಿಸಬೇಕು. ಬೆಚ್ಚಗಿರುವ ವಾತಾರವರಣದಲ್ಲಿ ಇರಬೇಕು.
16. ಕುಲುಷಿತಗೊಂಡ ನೀರಿನಿಂದಾಗಿ ಮಳೆಗಾಲದಲ್ಲಿ ವಿವಿಧ ಸೋಂಕುಗಳು ಸರ್ವೇಸಾಮಾನ್ಯ. ಅವುಗಳನ್ನು ತಪ್ಪಿಸಲು ಕಾಯಿಸಿ ಆರಿಸಿದ ನೀರನ್ನು ಬಳಸಬೇಕು. ತಾಜಾ ಹಾಗೂ ಬಿಸಿ ಇರುವ ಆಹಾರವನ್ನೇ ಸೇವಿಸಬೇಕು. ಸುಲಭವಾಗಿ ಜೀರ್ಣವಾಗುವ ಆಹಾರದ ಸೇವನೆ ಮಳೆಗಾಲದಲ್ಲಿ ಒಳ್ಳೆಯದು. ಹಳೆಯ ಧಾನ್ಯಗಳಾದ ಅಕ್ಕಿ, ರಾಗಿ, ಜೋಳ, ಗೋಧಿ, ಹುರುಳಿ ಹೆಸರು – ಇವುಗಳಿಂದ ತಯಾರಿಸಿದ ಆಹಾರ ಸೇವನೆ ಒಳ್ಳೆಯದು.
17. ತೇವವಿರುವ ಸ್ಥಳದಲ್ಲಿರಬಾರದು. ಹಾಗೆಯೇ ಮಳೆಗಾಲದಲ್ಲಿ ಒಣಗಿರುವ, ತೇವವಿಲ್ಲದ ಬಟ್ಟೆಗಳನ್ನು ಧರಿಸಬೇಕು.
18. ಮಳೆಗಾಲದಲ್ಲಿ ಒಳಾಂಗಣದ ಆಟಗಳಾದ ಚೆಸ್ (ಚದುರಂಗ), ಕೇರಂ, ಚನ್ನೆಮಣೆ (ಅಳುಗುಳಿ ಮಣೆ) ಮೊದಲಾದುವುಗಳನ್ನು ಆಡಬೇಕು.
19. ಎಲ್ಲಾ ಕಾಲಗಳಲ್ಲೂ ಬೆಚ್ಚಗಿನ ನೀರಿನ ಸ್ನಾನ ಬಹಳ ಒಳ್ಳೆಯದು.
ಡಾ.ಶ್ರೀವತ್ಸ
