ದ್ವಿತೀಯ ಪಿಯುಸಿ ಪರೀಕ್ಷೆ

ನಗರದ ಸರ್ಕಾರಿ ಪದವಿ ಪೂರ್ವ ಕಾಲೇಜಿನಲ್ಲಿ ಶನಿವಾರ ದ್ವಿತೀಯ ಪಿಯುಸಿ ಪರೀಕ್ಷೆಯನ್ನು 574 ವಿದ್ಯಾರ್ಥಿಗಳು ಬರೆದರು.
ಇತಿಹಾಸ ಮತ್ತು ಗಣಕ ವಿಜ್ಞಾನದ ಪರೀಕ್ಷೆಗಳಿದ್ದು, ವಿದ್ಯಾರ್ಥಿಗಳು ಪರೀಕ್ಷೆ ಬರೆಯಲು ತೊಂದರೆಯಾಗದಂತೆ ಎಲ್ಲಾ ರೀತಿಯ ಅನುಕೂಲವನ್ನೂ ಮಾಡಿರುವುದಾಗಿ ಮುಖ್ಯ ಅಧೀಕ್ಷಕ ಚಿತ್ತಯ್ಯ ತಿಳಿಸಿದರು.
ಸರ್ಕಾರಿ ಪದವಿ ಪೂರ್ವ ಕಾಲೇಜಿನಲ್ಲಿ ವಿದ್ಯಾರ್ಥಿಗಳ ಪರೀಕ್ಷೆಗಾಗಿ 19 ಕೊಠಡಿಗಳನ್ನು ಬಳಸುತ್ತಿದ್ದು, 7 ಕಾಲೇಜುಗಳ ವಿದ್ಯಾರ್ಥಿಗಳಿಲ್ಲಿ ಬಂದು ಪರೀಕ್ಷೆ ಬರೆಯುತ್ತಿದ್ದಾರೆ. ಪ್ರತಿಯೊಂದು ಕೊಠಡಿಗೂ ಮೇಲ್ವಿಚಾರಕರಿದ್ದಾರೆ. ಇದಲ್ಲದೆ ಸ್ಕ್ವಾಡ್ ಸಹ ನಿಯೋಜಿಸಲಾಗಿದೆ ಎಂದು ವಿವರಿಸಿದರು.