ಪೂರ್ಣ ಪುಟ · Open full page
News

ಲಸಿಕೆಗಾಗಿ ಶಿಡ್ಲಘಟ್ಟಕ್ಕೆ ಹೊರಜಿಲ್ಲೆಗಳಿಂದ ಬಂದ ಜನರು

covid vaccination sidlaghatta

ಶಿಡ್ಲಘಟ್ಟ ನಗರದಲ್ಲಿ 18 ವರ್ಷ ಮೇಲ್ಪಟ್ಟವರಿಗೆ ಕೋವಿಡ್ ಲಸಿಕೆ ನೀಡುವ ಪ್ರಕ್ರಿಯೆ ಸೋಮವಾರದಿಂದ ಪ್ರಾರಂಭವಾಗಿದ್ದು,  ನಗರದ ಪ್ರಾಥಮಿಕ ಅರೋಗ್ಯ ಕೇಂದ್ರದ ಪ್ರಸ್ತುತ ಲಸಿಕಾ ಕೇಂದ್ರವಾದ ಸ್ತ್ರೀ ಶಕ್ತಿ ಭವನದ ಮುಂದೆ ಜನ ಮುಂಜಾನೆಯಿಂದಲೇ ಲಸಿಕೆ ಪಡೆಯಲು ಜಮಾಯಿಸಿದ್ದರು.

 ಆನ್ ಲೈನ್ ಮೂಲಕ ಕಾಯ್ದಿರಿಸಿದವರಿಗೆ ಮಾತ್ರ ಲಸಿಕೆ ಕೊಡುವ ಪ್ರಕ್ರಿಯೆ ಜಾರಿಯಲ್ಲಿದ್ದು,  ಕೊವಿನ್, ಆರೋಗ್ಯ ಸೇತು ಆಪ್ ಮೂಲಕ ಲಸಿಕೆ ಪಡೆದುಕೊಳ್ಳುವ ಸಮಯವನ್ನು ಮುಂಚಿತವಾಗಿಯೇ ಕಾಯ್ದಿರಿಸಿ ತಮ್ಮ ಸರತಿಗಾಗಿ ಸಾಲಿನಲ್ಲಿ ಕಾದು ನಿಂತಿದ್ದರು. ಕಾಯ್ದಿರಿಸಿದ ಸಮಯಕ್ಕೆ ಮುಂಚಿತವಾಗಿಯೇ ಲಸಿಕೆ ಕೇಂದ್ರದ ಮುಂದೆ ಜನ ಜಮಾವಣೆಗೊಂಡಿದ್ದರಿಂದ ಪ್ರಾರಂಭದಲ್ಲಿ ತೊಡಕಾದರೂ, ನಂತರ ನೋಂದಾವಣೆ ಸಮಯದ ಪ್ರಕಾರ ಜನರನ್ನು ಲಸಿಕೆ ಪಡೆಯಲು ಅನುವು ಮಾಡಿಕೊಟ್ಟಿದ್ದರಿಂದ ಲಸಿಕೆ ಪ್ರಕ್ರಿಯೆ ಸರಾಗವಾಗಿ ಮುಂದುವರೆದಿತ್ತು.

ಕೆಲವೇ ಗಂಟೆಗಳಲ್ಲಿ ನೊಂದಣಿ ಫುಲ್ :

ಶಿಡ್ಲಘಟ್ಟ ನಗರದ ಪ್ರಾಥಮಿಕ ಅರೋಗ್ಯ ಕೇಂದ್ರದಲ್ಲಿ ಮಾತ್ರ 18 ಮೇಲ್ಪಟ್ಟವರಿಗೆ ಲಸಿಕೆ ಪಡೆಯಲು ಸಮಯ ಕಾಯ್ದಿರಿಸುವ ಪ್ರಕ್ರಿಯೆ ಭಾನುವಾರ ಪ್ರಾರಂಭವಾಗಿದ್ದು ಕೆಲವೇ ಗಂಟೆಗಳಲ್ಲಿ ನೋಂದಣಿಗೆ ಲಭ್ಯವಿದ್ದ ವಾರದ ಎಲ್ಲಾ ಸ್ಲಾಟ್ ಗಳು ಪೂರ್ಣಗೊಂಡಿವೆ. ಜನರು ಲಸಿಕೆ ಪಡೆಯುವ ಸಮಯವನ್ನು ಕಾಯ್ದಿರಿಸಲು ಪರದಾಡುವಂತಾಗಿದೆ. ಸೋಮವಾರ ಬೆಳಗ್ಗೆಯಷ್ಟೇ ಸುದ್ದಿಗಳಲ್ಲಿ ಲಸಿಕೆ ಸಿಗುವ ಬಗ್ಗೆ ಮಾಹಿತಿ ತಿಳಿದ ಜನರು ಕೊವಿನ್ ಆಪ್ ನಲ್ಲಿ ಸಮಯ ಕಾಯ್ದಿರಿಸಲು ಅವಕಾಶ ಸಿಗದೆ ಮುಂದಿನ ವಾರದ ಸರತಿಗಾಗಿ ಕಾಯುವಂತಾಗಿದೆ.

ಲಸಿಕೆ ಪಡೆಯಲು ಅಧಿಕ ಸಂಖ್ಯೆಯಲ್ಲಿ ಬಂದ ಹೊರಜಿಲ್ಲೆಯ ನಿವಾಸಿಗಳು :

ಶಿಡ್ಲಘಟ್ಟದಲ್ಲಿ ಲಸಿಕೆಗಾಗಿ ಹೊರಜಿಲ್ಲೆಗಳಿಂದ ಬಂದವರು ಸಾಲುಗಟ್ಟಿ ನಿಂತಿರುವುದು

ಸೋಮವಾರ ಮುಂಜಾನೆ ಕೊವಿಡ್ ಲಸಿಕೆ ಪಡೆಯಲು ಶಿಡ್ಲಘಟ್ಟದ ಲಸಿಕೆ ಕೇಂದ್ರದ ಮುಂದೆ ೯ ಗಂಟೆಗೆ ಜಮಾವಣೆಗೊಂಡ ಜನರಲ್ಲಿ ಹೆಚ್ಚಿನವರು ಅನ್ಯ ಜಿಲ್ಲೆಯವರಾಗಿದ್ದರು. ಬೆಂಗಳೂರಿನ ಇಲೆಕ್ಟ್ರಾನಿಕ್ ಸಿಟಿ, ಸರ್ಜಾಪುರ, ಯಲಹಂಕ, ದೇವನಹಳ್ಳಿಯಿಂದ ಲಸಿಕೆ ಪಡೆಯಲು ಕಾರುಗಳಲ್ಲಿ ಬಂದಿದ್ದರು. ಕರ್ನಾಟಕ ಸರ್ಕಾರದ ಹೊಸ ಮಾರ್ಗಸೂಚಿಯಂತೆ ಅಂತರ್ಜಿಲ್ಲಾ ಪ್ರಯಾಣ ನಿಷೇಧಿಸಿದ್ದರೂ, ಲಸಿಕೆ ಪಡೆಯಲು ತಮ್ಮ ಹತ್ತಿರದ ಲಸಿಕೆ ಕೇಂದ್ರವನ್ನು ಆಯ್ಕೆ ಮಾಡದೆ, ಪ್ರಸ್ತುತ 18 ವರ್ಷ ಮೇಲ್ಪಟ್ಟವರಿಗೆ ಒಂದು ಲಸಿಕೆ ಕೇಂದ್ರ ಹೊಂದಿರುವ ಶಿಡ್ಲಘಟ್ಟವನ್ನು ಆಯ್ಕೆ ಮಾಡಿಕೊಂಡಿದ್ದಾರೆ.  ಹೆಚ್ಚು ಕೋವಿಡ್ ಪ್ರಕರಣಗಳು ಹೊಂದಿರುವ ಬೆಂಗಳೂರಿನಂತಹ ಜಿಲ್ಲೆಯಿಂದ ಲಸಿಕೆ ಹಾಕಿಸಿಕೊಳ್ಳಲು ಬರುತ್ತಿರುವುದರಿಂದ ಸೋಂಕು ಹರಡುವ ಸಾಧ್ಯತೆಯ ಜೊತೆಗೆ ಸ್ಥಳೀಯರಿಗೆ ಲಸಿಕೆ ಸಿಗದೇ ಹೋಗಬಹುದೆಂಬ ಆತಂಕ ಜನರಲ್ಲಿ ಶುರುವಾಗಿದೆ.  

Be a reporter

ಊರಿನ ಸುದ್ದಿ, ಫೋಟೋ ಕಳುಹಿಸಿ.

Report an error in this story

ಇದನ್ನೂ ಓದಿ

News

ಕಾಲು ಬಾಯಿ ಲಸಿಕಾ ಅಭಿಯಾನಕ್ಕೆ ಚಾಲನೆ

Malamachanahalli, Sidlaghatta : ಕಾಲುಬಾಯಿ ಜ್ವರ ಲಸಿಕಾ ಅಭಿಯಾನವು ನಮ್ಮ ಕೃಷಿ‑ಹೈನುಗಾರಿಕೆಯನ್ನು, ನಮ್ಮ ಕುಟುಂಬದ ಜೀವನಾಧಾರವನ್ನು ರಕ್ಷಿಸುವ ಒಂದು ದೊಡ್ಡ ಹೆಜ್ಜೆಯಾಗಿದೆ. ಕಾಲುಬಾಯಿ ಜ್ವರವು…

Share

Be a reporter

ಊರಿನ ಸುದ್ದಿ, ಫೋಟೋ ಕಳುಹಿಸಿ.

News

ಕಾಲುಬಾಯಿ ರೋಗದ ವಿರುದ್ದ ಲಸಿಕಾ ಅಭಿಯಾನ

Sidlaghatta : ರಾಸುಗಳಿಗೆ ಕಾಲ ಕಾಲಕ್ಕೆ ಹಾಕಿಸಬೇಕಾದಂತ ಎಲ್ಲ ರೀತಿಯ ಲಸಿಕೆಗಳನ್ನು ಹಾಕಿಸಿ ಆರೈಕೆ ಮಾಡಬೇಕು. ಇಲಾಖೆಯಿಂದಲೂ ಬಹಳಷ್ಟು ರೀತಿಯ ಲಸಿಕೆಗಳನ್ನು ಉಚಿತವಾಗಿ ನೀಡಲಾಗುತ್ತದೆ,…

Share
Exit mobile version