ಮನೆಯಲ್ಲಿ ಬೆಳೆದ ಬ್ರೆಜಿಲ್ ನ ಪ್ಯಾಶನ್ ಫ್ರೂಟ್

ಪ್ಯಾಶನ್ ಫ್ರೋಟ್ ಎಂದು ಕರೆಯಲ್ಪಡುವ ವಿಲಕ್ಷಣವಾದ ಹಣ್ಣನ್ನು ನಗರದ ಇದ್ಲೂಡು ರಸ್ತೆಯಲ್ಲಿರುವ ಶೆಟ್ಟಪ್ಪನವರ ಶಂಕರ್ ತಮ್ಮ ಮನೆಯ ಆವರಣದ ಹೂತೋಟದಲ್ಲಿ ಬೆಳೆದಿದ್ದಾರೆ. ಈ ಗಿಡದ ಬಳ್ಳಿಯು ಹತ್ತಾರು ಮೀಟರ್ ಉದ್ದಕ್ಕೂ ಹಬ್ಬಿ ಸುಮಾರು ಎಂಬತ್ತಕ್ಕೂ ಹೆಚ್ಚು ಹಣ್ಣುಗಳು ಬಿಟ್ಟಿವೆ. ಬೇಸಿಗೆಯ ಹಣ್ಣೆಂದೇ ಹೆಸರಾದ ರಸಭರಿತ ಹಣ್ಣುಗಳು ಆರೋಗ್ಯವರ್ಧಕ ಎಂದೇ ಪ್ರಸಿದ್ಧ.
ಈ ಹಣ್ಣನ್ನು ದಕ್ಷಿಣ ಆಫ್ರಿಕಾ, ಆಸ್ಟ್ರೇಲಿಯಾ, ಹವಾಯಿಯನ್ ದ್ವೀಪಗಳು, ಥೈಲ್ಯಾಂಡ್ ಮತ್ತು ದಕ್ಷಿಣ ಅಮೆರಿಕಾದಲ್ಲಿ ಕೈಗಾರಿಕಾ ಪ್ರಮಾಣದಲ್ಲಿ ಬೆಳೆಸಲಾಗುತ್ತದೆ. ಅದರ ತಾಯ್ನಾಡು ಬ್ರೆಜಿಲ್.
ಪ್ಯಾಶನ್ ಹಣ್ಣಿನ ಹೂವುಗಳು ತುಂಬಾ ದೊಡ್ಡದಲ್ಲ, ಆದರೆ ಸುಂದರವಾದುದು. ಪ್ಯಾಶನ್ ಹಣ್ಣು ಪ್ಯಾಸಿಫ್ಲೋರಾ – ಸಸ್ಯಗಳ ಕುಟುಂಬಕ್ಕೆ ಸೇರಿದೆ, ಇದು ಹಲವಾರು ಶತಮಾನಗಳ ಹಿಂದೆ “ಭಾವೋದ್ರೇಕ ಮತ್ತು ಸಂಕಟದ ಹೂವು” – ಪ್ಯಾಶನ್ ಹೂವು ಎಂಬ ದುಃಖದ ಹೆಸರನ್ನು ಪಡೆಯಿತು. 80 ದಿನಗಳವರೆಗೆ ಪರಾಗಸ್ಪರ್ಶದ ನಂತರ, ಹೂವಿನ ಸ್ಥಳದಲ್ಲಿ ಪರಿಮಳಯುಕ್ತ ಹಣ್ಣು ರೂಪುಗೊಳ್ಳುತ್ತದೆ. ಪ್ಯಾಶನ್ ಹಣ್ಣನ್ನು ಅದರ ಶ್ರೀಮಂತ ರುಚಿ, ರೋಮಾಂಚಕ ಸುವಾಸನೆ ಮತ್ತು ಅದ್ಭುತ ನೋಟಕ್ಕಾಗಿ “ಉತ್ಸಾಹದ ಹಣ್ಣು” ಎಂದು ಕರೆಯಲಾಯಿತು.
ಈ ಹಣ್ಣು ಪೋಷಕಾಂಶಗಳ ಉಗ್ರಾಣವಾಗಿದೆ. ಇದರಲ್ಲಿ ಬಿ, ಎ, ಇ ಮತ್ತು ಸಿ ಗುಂಪುಗಳ ಪ್ರಮುಖ ಜೀವಸತ್ವಗಳಿವೆ, ಕಬ್ಬಿಣ, ಕ್ಯಾಲ್ಸಿಯಂ, ಪೊಟ್ಯಾಸಿಯಮ್ ಮತ್ತು ಇದರಲ್ಲಿರುವ ಇತರ ಅಂಶಗಳು.
ಮಾಗಿದ ಪ್ಯಾಶನ್ ಹಣ್ಣು ಶೇ 50 ರಷ್ಟು ರಸವನ್ನು ಹೊಂದಿರುತ್ತದೆ. ಇದು ಲಘು ಮೂತ್ರವರ್ಧಕ ಮತ್ತು ವಿರೇಚಕ ಪರಿಣಾಮವನ್ನು ನೀಡುತ್ತದೆ. ಹಣ್ಣಿನ ತಿರುಳು ಹಳದಿ-ಕಿತ್ತಳೆ ಬಣ್ಣವಿದ್ದು, ಒಳಗೆ ರಸಭರಿತ, ಸಿಹಿ ಮತ್ತು ಹುಳಿ, ಹೆಚ್ಚಿನ ಸಂಖ್ಯೆಯ ಬೀಜಗಳನ್ನು ಹೊಂದಿದೆ. ಪ್ಯಾಶನ್ ಹಣ್ಣು ಅದ್ಭುತ ಸುವಾಸನೆ, ಅಸಾಮಾನ್ಯ, ಸಿಹಿ ಮತ್ತು ಹುಳಿ ರುಚಿಯನ್ನು ಮಾತ್ರವಲ್ಲ, ಅಸಾಧಾರಣ ಪ್ರಯೋಜನಕಾರಿ ಗುಣಗಳನ್ನು ಸಹ ಹೊಂದಿದೆ.
‘ನಾನು ಅದಕ್ಕಾಗಿ ಒಂದಿಷ್ಟೂ ಶ್ರಮಪಡಲಿಲ್ಲ. ಮೊದಲು ಯಾವುದೋ ಬಳ್ಳಿ ಎಂದು ಉದಾಸೀನ ಮಾಡಿದೆ. ನಮ್ಮ ಸಂಬಂಧಿಕರೊಬ್ಬರು ಬಂದಾಗ ನೋಡಿ ಈ ಹಣ್ಣಿನ ಬಗ್ಗೆ ವಿವರಿಸಿದರು. ಆಗ ಸ್ವಲ್ಪ ಗೊಬ್ಬರ, ನೀರು ಹಾಕಿದೆ. ಬಳ್ಳಿ ಹಬ್ಬಿದಂತೆ ಅದಕ್ಕೆ ಸೂಕ್ತ ಆಶ್ರಯವನ್ನು ಒದಗಿಸಿದೆ. ಈಗ ಪ್ಯಾಶನ್ ಫ್ರೂಟ್ ಬಳ್ಳಿಯಲ್ಲಿ ಬೇಕಾದಷ್ಟು ಹಣ್ಣುಗಳು ಬಿಟ್ಟಿವೆ. ಈ ಹಣ್ಣಿನ ಶರಬತ್ತು ರುಚಿಕರ. ದರಿಂದ ಮಂದರಸ (ಸ್ಕ್ವಾಶ್) ಮಾಡಿಟ್ಟು ಬೇಕಾದಾಗ ಬಳಸಬಹುದು. ಜ್ಯಾಮ್ ಮಾಡಬಹುದು. ಒಳ್ಳೆಯ ಪರಿಮಳ, ಬಣ್ಣ. ಇದನ್ನು ನಮ್ಮ ಭಾಗದಲ್ಲಿ ಯಾರೂ ವಾಣಿಜ್ಯ ದೃಷ್ಟಿಯಿಂದ ಬೆಳೆಯುವುದಿಲ್ಲ. ಕಳೆದ ಎರಡು ವರ್ಷಗಳ ಹಿಂದೆ ಡೆಂಗಿ ಜ್ವರ ವ್ಯಾಪಕವಾಗಿ ಬಂದಾಗ ಅದು ಹೇಗೋ ಈ ಜ್ವರ ಬಾಧಿತರಿಗೆ ಪ್ಯಾಶನ್ ಫ್ರೂಟ್ ಅತಿ ಒಳ್ಳೆ ಆಹಾರ, ಅದರಿಂದಾಗಿ ಇಳಿದುಹೋದ ಪ್ಲೇಟ್ಲೆಟ್ ಕೌಂಟ್ ಹೆಚ್ಚುತ್ತದೆ ಎಂಬ ಸುದ್ದಿ ಹರಡಿತು. ಜನ ಬಳಸಲೂ ತೊಡಗಿದರು” ಎಂದು ಶೆಟ್ಟಪ್ಪನವರ ಶಂಕರ್ ತಿಳಿಸಿದರು.