ಉಚಿತ ಕಣ್ಣಿನ ಚಿಕಿತ್ಸಾ ಶಿಬಿರ

ತಾಲ್ಲೂಕಿನ ಜಂಗಮಕೋಟೆಯ ಕಿರಿಯ ಪ್ರಾಥಮಿಕ ಆರೋಗ್ಯ ಕೇಂದ್ರದಲ್ಲಿ ಬುಧವಾರ ಉಚಿತ ಕಣ್ಣಿನ ಚಿಕಿತ್ಸಾ ಶಿಬಿರವನ್ನು ಆಯೋಜಿಸಲಾಗಿತ್ತು.
ಹೊಸಕೋಟೆಯ ಗ್ಲೋಬಲ್ ಫೌಂಡೇಷನ್ ಆಸ್ಪತ್ರೆ ವತಿಯಿಂದ ಆಯೋಜಿಸಿದ್ದ ಕಣ್ಣಿನ ಚಿಕಿತ್ಸಾ ಶಿಬಿರದಲ್ಲಿ ಕಣ್ಣಿನ ಪೊರೆ ಬಂದವರನ್ನು ಗುರುತಿಸಿ ಉಚಿತವಾಗಿ ಶತ್ರಚಿಕಿತ್ಸೆಯನ್ನು ನಡೆಸಲಾಗುವುದು. ಗ್ರಾಮಾಂತರ ಪ್ರದೇಶದಲ್ಲಿ ವಯಸ್ಕರು ಹಲವಾರು ಮಂದಿ ಈ ಕಣ್ಣಿನ ಪೊರೆಯಿದ್ದರೂ ಹಣ ವ್ಯಯಿಸಲು ಆಗದೇ ಶಸ್ತ್ರಚಿಕಿತ್ಸೆ ಮಾಡಿಸಿಕೊಂಡಿಲ್ಲ. ಅವರಿಗೆ ಈ ರೀತಿಯ ಶಿಬಿರಗಳು ವರದಾನವಾಗುತ್ತದೆ ಎಂದು ವೈದ್ಯಾಧಿಕಾರಿ ಡಾ.ಅಂಬಿಕಾ ತಿಳಿಸಿದರು. ಸುಮಾರು 28 ಮಂದಿಯನ್ನು ಕಣ್ಣಿನ ಪೊರೆ ಶಸ್ತ್ರಚಿಕಿತ್ಸೆಗಾಗಿ ಹೊಸಕೋಟೆಯ ಗ್ಲೋಬಲ್ ಫೌಂಡೇಷನ್ ಆಸ್ಪತ್ರೆಗೆ ಕರೆದೊಯ್ಯಲಾಯಿತು. ಡಾ.ಸುಪ್ರಿಯಾ ಹಾಜರಿದ್ದರು.