Sidlaghatta : ರಾಷ್ಟ್ರಮಟ್ಟದ ಟೆನಿಸ್ ಅಂಗಳದಲ್ಲಿ ಶಿಡ್ಲಘಟ್ಟದ ಯುವ ಪ್ರತಿಭೆ ಪುನೀತ್ ಮನೋಹರ್ ಗಮನಾರ್ಹ ಸಾಧನೆ ಮಾಡಿದ್ದಾರೆ. ನವದೆಹಲಿಯ DLTA ಕಾಂಪ್ಲೆಕ್ಸ್‌ ನಲ್ಲಿ ನಡೆದ 31ನೇ ಫೆನೆಸ್ಟಾ ಓಪನ್ ರಾಷ್ಟ್ರೀಯ ಟೆನಿಸ್ ಚಾಂಪಿಯನ್‌ ಷಿಪ್‌ ನಲ್ಲಿ 14 ವರ್ಷದೊಳಗಿನ ಬಾಲಕರ ವಿಭಾಗದ ಸಿಂಗಲ್ಸ್ ಮತ್ತು ಡಬಲ್ಸ್ ಎರಡರಲ್ಲೂ ಪ್ರಶಸ್ತಿ ಗೆದ್ದು ಅವಳಿ ಚಿನ್ನದ ಸಾಧನೆ ಮಾಡಿದ್ದಾರೆ.
ಶಿಡ್ಲಘಟ್ಟದ ಸಾರ್ವಜನಿಕ ಆಸ್ಪತ್ರೆಯ ವೈದ್ಯಾಧಿಕಾರಿ ಡಾ. ಮನೋಹರ್ ಅವರ ಪುತ್ರ ಪುನೀತ್ ಅವರ ಈ ಸಾಧನೆಯು ಸ್ಥಳೀಯ ಕ್ರೀಡಾಭಿಮಾನಿಗಳಲ್ಲಿ ಸಂತಸ ಮೂಡಿಸಿದೆ. ಬಾಲ್ಯದಲ್ಲಿಯೇ ಟೆನಿಸ್ ನಲ್ಲಿ ರಾಷ್ಟ್ರೀಯ ಮಟ್ಟದ ಪ್ರಶಸ್ತಿ ಗೆಲ್ಲುವ ಮೂಲಕ ಪುನೀತ್ ತಮ್ಮ ಕ್ರೀಡಾ ಪ್ರತಿಭೆಯನ್ನು ಸಾಬೀತುಪಡಿಸಿದ್ದಾರೆ.
ಸಿಂಗಲ್ಸ್ ಫೈನಲ್‌ನಲ್ಲಿ ಏನಾಯಿತು?
ಸಿಂಗಲ್ಸ್ ವಿಭಾಗದ ಫೈನಲ್ ನಲ್ಲಿ ಎರಡನೇ ಶ್ರೇಯಾಂಕದ ಪುನೀತ್, ತೆಲಂಗಾಣದ ಐದನೇ ಶ್ರೇಯಾಂಕದ ಸತ್ಯ ಚಿಂತಾಗುಂಟ ಅವರನ್ನು 6–3, 6–2 ನೇರ ಸೆಟ್‌ ಗಳಿಂದ ಮಣಿಸಿ ಪ್ರಶಸ್ತಿ ಗೆದ್ದರು. ಪಂದ್ಯದ ಆರಂಭದಿಂದಲೇ ಸಂಯಮದ ಆಟ ಪ್ರದರ್ಶಿಸಿದ ಪುನೀತ್, ಎದುರಾಳಿಯ ಸವಾಲನ್ನು ಸಮರ್ಥವಾಗಿ ಎದುರಿಸಿ ಪ್ರಶಸ್ತಿ ಗೆಲ್ಲುವಲ್ಲಿ ಯಶಸ್ವಿಯಾದರು.
ಡಬಲ್ಸ್ ಫೈನಲ್ ಫಲಿತಾಂಶವೇನು?
ಇದಕ್ಕೂ ಮುನ್ನ ನಡೆದ ಡಬಲ್ಸ್ ಫೈನಲ್ ನಲ್ಲಿ ಮಹಾರಾಷ್ಟ್ರದ ಆರವ್ ಚಲ್ಲಾನಿ ಅವರೊಂದಿಗೆ ಕಣಕ್ಕಿಳಿದ ಪುನೀತ್, ಪಂಜಾಬ್‌ ನ ಆದೇಶ್‌ಬೀರ್ ಗುಮಾನ್ ಮತ್ತು ಮಹಾರಾಷ್ಟ್ರದ ಸ್ಪರ್ಶ್ ಪಾಟೀಲ್ ಜೋಡಿಯನ್ನು 6–2, 6–2 ಸೆಟ್‌ ಗಳಿಂದ ಸೋಲಿಸಿ ಪ್ರಶಸ್ತಿ ತಮ್ಮದಾಗಿಸಿಕೊಂಡಿದ್ದರು. ಸಿಂಗಲ್ಸ್ ನಲ್ಲಿಯೂ ಜಯ ಸಾಧಿಸುವ ಮೂಲಕ ಚಾಂಪಿಯನ್‌ ಷಿಪ್‌ ನಲ್ಲಿ ಎರಡು ಪ್ರಶಸ್ತಿಗಳನ್ನು ಗೆದ್ದ ಸಾಧನೆ ಮಾಡಿದರು.
ಅಖಿಲ ಭಾರತ ಟೆನಿಸ್ ಸಂಸ್ಥೆಯ (AITA) ಅಂಡರ್‌-14 ವಿಭಾಗದಲ್ಲಿ ಎರಡನೇ ಶ್ರೇಯಾಂಕ ಹೊಂದಿರುವ ಪುನೀತ್, ರಾಷ್ಟ್ರೀಯ ಚಾಂಪಿಯನ್‌ ಷಿಪ್‌ ನಲ್ಲಿ ತೋರಿದ ಸಾಮರ್ಥ್ಯದ ಮೂಲಕ ಭರವಸೆಯ ಯುವ ಆಟಗಾರನಾಗಿ ಹೊರಹೊಮ್ಮಿದ್ದಾರೆ.
In English: Puneeth Manohar of Sidlaghatta, son of public hospital medical officer Dr. Manohar, won both the singles and doubles titles in the boys’ under-14 category at the 31st Fenesta Open National Tennis Championship held at the DLTA Complex in New Delhi. Seeded second, he beat fifth seed Satya Chintagunta of Telangana 6–3, 6–2 in the singles final; earlier, partnering Aarav Challani of Maharashtra, he beat the Punjab–Maharashtra pair of Adeshbir Guman and Sparsh Patil 6–2, 6–2 in the doubles final. Puneeth is ranked second in the AITA (All India Tennis Association) under-14 category.
