ಮೇಲೂರಿನಲ್ಲಿ ಗೊಂಬೆಹಬ್ಬ

ದಸರಾ ಗೊಂಬೆ ಹಬ್ಬಕ್ಕೆ ನಾಲ್ಕು ತಲೆಮಾರುಗಳ ನಂಟು ತಾಲ್ಲೂಕಿನ ಮೇಲೂರಿನಲ್ಲಿ ಮೂಡಿ ಸಂಭ್ರಮಕ್ಕೆ ಕಾರಣವಾಗಿದೆ.
ತಾಲ್ಲೂಕಿನ ಮೇಲೂರಿನ ಎಂ.ಕೆ.ರವಿ ಪ್ರಸಾದ್ ಅವರ ಮನೆಯಲ್ಲಿ ನಾಲ್ಕು ತಲೆಮಾರುಗಳಿಂದ ಆಚರಿಸಿಕೊಂಡ ಬಂದ ಗೊಂಬೆ ಹಬ್ಬವು ಈ ವರ್ಷವೂ ಮುಂದುವರೆದಿದೆ. ವೈವಿಧ್ಯಮಯ ಗೊಂಬೆಗಳು, ಅವನ್ನು ಜೋಡಿಸಿಟ್ಟ ಬಗೆ ಆಕರ್ಷಕವಾಗಿದೆ. ಪಟ್ಟದ ಗೊಂಬೆಗಳು, ದೇವರ ಗೊಂಬೆಗಳು, ಶೆಟ್ಟಿ ಅಂಗಡಿ, ಪ್ರಾಣಿಗಳು, ವಾದ್ಯವೃಂದ, ಹಾಸ್ಯಗಾರರು, ನೃತ್ಯಗಾರರು ಮುಂತಾದ ಹತ್ತು ಹಲವು ಗೊಂಬೆಗಳಿಲ್ಲಿವೆ.
ನಾಲ್ಕು ತಲೆಮಾರಿನ ನಂಟನ್ನು ಹೊಂದಿರುವ ಅಜ್ಜಿಯಿಂದ ಮರಿಮಗಳೊಂದಿಗೆ ಹಬ್ಬವನ್ನು ಆಚರಿಸುತ್ತಿರುವ ಸರೋಜಮ್ಮ, ‘ತಮ್ಮ ಮನೆಯ ಹೆಣ್ಣುಮಕ್ಕಳಾದ ದಿವ್ಯ ಪ್ರಸಾದ್, ಅಂಬುಜ ಚಲಾ ಮತ್ತು ಕುಶಲ ರವಿ ಎಲ್ಲರೂ ಸೇರಿ ಗೊಂಬೆ ಜೋಡಿಸಿಟ್ಟಿದ್ದಾರೆ. ಮನೆಗೆ ಬಂದವರಿಗೆ ಹಬ್ಬದ ಸಿಹಿ ತಿಂಡಿ ನೀಡುತ್ತಾರೆ’ ಎಂದು ಹೇಳಿದರು.