ಶಿಡ್ಲಘಟ್ಟದ ವ್ಯಕ್ತಿ ಕೊರೊನಾ ಪಾಸಿಟೀವ್

ಇದುವರೆಗೂ ಶಿಡ್ಲಘಟ್ಟ ತಾಲ್ಲೂಕಿನಲ್ಲಿ ಕೊರೊನಾ ಬರದೇ ಗ್ರೀನ್ ಜೋನ್ ಆಗಿತ್ತು. ಆದರೆ ಇದೀಗ ಶಿಡ್ಲಘಟ್ಟದ ನಿವಾಸಿಯೊಬ್ಬರು ಕೊರೊನಾ ಪಾಸಿಟೀವ್ ಆಗಿದ್ದಾರೆ ಎಂದು ಬಲ್ಲ ಮೂಲಗಳಿಂದ ತಿಳಿದುಬಂದಿದೆ.
ಲಾಕ್ ಡೌನ್ ಮುಂಚೆ ಇಬ್ಬರು ಶಿಡ್ಲಘಟ್ಟದ ನಿವಾಸಿಗಳು ಅಜ್ಮೇರ್ ಗೆ ಹೋಗಿ ಲಾಕ್ ಡೌನ್ ಆದಾಗ ಅಲ್ಲಿಯೇ ಉಳಿದುಬಿಟ್ಟಿದ್ದರು. ಮೇ 22 ರಂದು ಬೆಂಗಳೂರಿಗೆ ಬಂದ ಅವರನ್ನು ಏಳು ದಿನಗಳ ಕಾಲ ಕ್ವಾರಂಟೈನ್ ಮಾಡಲಾಗಿದೆ. ಅವರಲ್ಲಿ ಒಬ್ಬರು ಕೊರೊನಾ ನೆಗೆಟೀವ್ ಆಗಿದ್ದರೆ, ಮತ್ತೊಬ್ಬರು ಪಾಸಿಟೀವ್ ಎಂದು ವರದಿ ಬಂದಿದೆ. ಹಾಗಾಗಿ ಅವರನ್ನು ಬೆಂಗಳೂರಿನ ಕ್ವಾರಂಟೈನ್ ಕೇಂದ್ರದಿಂದ ಕಳುಹಿಸಿದೊಡನೆ ಇಲ್ಲಿ ಕ್ವಾರಂಟೈನ್ ಮಾಡಲಾಗುವುದು ಎಂಬುದಾಗಿ ಮೂಲಗಳಿಂದ ತಿಳಿದುಬಂದಿದೆ.