ತಾಲ್ಲೂಕಿನ ಭಕ್ತರಹಳ್ಳಿಯ ಬಿ.ಎಂ.ವಿ ಪ್ರೌಢಶಾಲಾ ವಿದ್ಯಾರ್ಥಿಗಳಿಗೆ ಮಂಗಳವಾರ ಬೆಂಗಳೂರು ಹೈಗ್ರೌಂಡ್ಸ್ ರೋಟರಿ ವತಿಯಿಂದ ಇಂಗ್ಲೀಷ್ ಕನ್ನಡ ನಿಘಂಟುಗಳನ್ನು ಉಚಿತವಾಗಿ ವಿತರಿಸಲಾಯಿತು.
ಈ ಸಂದರ್ಭದಲ್ಲಿ 2014–15ನೇ ಸಾಲಿನಲ್ಲಿ ಎಸ್.ಎಸ್.ಎಲ್.ಸಿ ಪರೀಕ್ಷೆಯಲ್ಲಿ ಹೆಚ್ಚು ಅಂಕಗಳನ್ನು ಗಳಿಸಿದ್ದ ಎಸ್.ಮೋನಿಕಾ, ಸಿ.ಚಂದನ್, ಬಿ.ಜೆ.ಬಸವರಾಜ್, ಎಸ್.ಮಂಜುಳಾ, ಬಿ.ವಿ.ದಿಲೀಪ್ ಮತ್ತು ಎಸ್.ಮಾನಸ ಅವರನ್ನು ಪುರಸ್ಕರಿಸಲಾಯಿತು.
ಬಿ.ಎಂ.ವಿ ಪ್ರೌಢಶಾಲೆಯಲ್ಲಿ ರೋಟರಿ ಇಂಟರ್ ಆಕ್ಟ್ ಕ್ಲಬ್ ಪ್ರಾರಂಭಿಸುವ ಹಿನ್ನೆಲೆಯಲ್ಲಿ ರೊಟೇರಿಯನ್ ಅನಿಲ್ಕುಮಾರ್ ಪ್ರೌಢಶಾಲೆ ವಿದ್ಯಾರ್ಥಿಗಳಿಗೆ ಅರಿವು ಮೂಡಿಸುವ ಕಾರ್ಯಕ್ರಮವನ್ನು ನಡೆಸಿಕೊಟ್ಟರು.
ಬಿ.ಎಂ.ವಿ ಶಿಕ್ಷಣ ಸಂಸ್ಥೆಯ ಕಾರ್ಯದರ್ಶಿ ಎಲ್.ಕಾಳಪ್ಪ ಈ ಸಂದರ್ಭದಲ್ಲಿ ಮಾತನಾಡಿ, ಮಕ್ಕಳಲ್ಲಿ ಎಳೆಯ ವಯಸ್ಸಿನಲ್ಲಿಯೇ ಸೇವಾ ಮನೋಭಾವ, ಸಾಮಾಜಿಕ ಕಳಕಳಿ ಮತ್ತು ಜ್ಞಾನವನ್ನು ಉದ್ದೀಪಿಸುವ ಹಿನ್ನೆಲೆಯಲ್ಲಿ ಶಾಲೆಯಲ್ಲಿ ರೋಟರಿ ಇಂಟರ್ ಆಕ್ಟ್ ಕ್ಲಬ್ ಪ್ರಾರಂಭಿಸುತ್ತಿದ್ದು, ವಿದ್ಯಾರ್ಥಿಗಳು ಸಕ್ರಿಯವಾಗಿ ಪಾಲ್ಗೊಳ್ಳುವಂತೆ ಕರೆ ನೀಡಿದರು.
ಬೆಂಗಳೂರು ಹೈಗ್ರೌಂಡ್ಸ್ ರೋಟರಿ ಅಧ್ಯಕ್ಷ ಜಿ.ಆರ್.ಮಹೇಶ್, ಎಚ್.ಎಸ್.ಶಿವಕುಮಾರ್, ರಾಮಚಂದ್ರ, ಪ್ರಶಾಂತರಾವ್, ಚೇತನ್ಪಲ್ಲಿ, ಸಂದೀಪ್, ತ್ಯಾಗರಾಜ್, ಭಾನುಪ್ರತಾಪರೆಟ್ಟಿ, ನಾಗರಾಜ್, ನಟರಾಜ್, ಗೌರಿಶಿವಕುಮಾರ್, ಮಂಜುಳಾ, ನಳಿನಾ ಮಹೇಶ್, ಯಶೋದರ, ಶೈಲೇಂದ್ರ, ಬಿ.ಎಂ.ವಿ ಶಿಕ್ಷಣ ಸಂಸ್ಥೆಯ ಎಂ.ವೆಂಕಟಮೂರ್ತಿ, ಬಿ.ವೈ.ಅಶ್ವತ್ತಪ್ಪ, ಎಂ.ನಂಜೇಗೌಡ ಮತ್ತಿತರರು ಕಾರ್ಯಕ್ರಮದಲ್ಲಿ ಹಾಜರಿದ್ದರು.
