ತೊಂಡೆಕಾಯಿ ಗೊಜ್ಜು

ಬೇಕಾಗುವ ಸಾಮಗ್ರಿ:
5-6 ತೊಂಡೆಕಾಯಿ
2 ಹಸಿಮೆಣಸು
1 ಈರುಳ್ಳಿ
ಸಣ್ಣ ಚೂರು ಹುಣಿಸೆಹಣ್ಣು
ಉಪ್ಪು
1 ಕಪ್ಪು ತೆಂಗಿನ ತುರಿ
ಮಾಡುವ ವಿಧಾನ:
ತೊಂಡೆಕಾಯಿ, ಹಸಿಮೆಣಸು, ಹುಣಸೆಹಣ್ಣನ್ನು ಒಟ್ಟಿಗೆ ಬೇಯಿಸಿಕೊಳ್ಳಿ.
ಮೊದಲಿಗೆ ತೆಂಗಿನತುರಿಯನ್ನು ಮಿಕ್ಸಿಯಲ್ಲಿ ಹಾಕಿ ನುಣ್ಣಗೆ ರುಬ್ಬಿಕೊಳ್ಳಿ, ಅದಕ್ಕೆ ಬೇಯಿಸಿದ ಮಿಶ್ರಣವನ್ನು ಹಾಕಿ ತರಿ ತರಿಯಾಗಿ ರುಬ್ಬಿ.
ಅದಕ್ಕೆ ಕೊಬ್ಬರಿ ಎಣ್ಣೆಯಲ್ಲಿ ಉದ್ದಿನಬೇಳೆ, ಸಾಸಿವೆ, ಒಂದು ಒಣಮೆಣಸು ಹಾಕಿ ಒಗ್ಗರಣೆ ಕೊಡಿ. ಇದಕ್ಕೆ ಒಂದು ಈರುಳ್ಳಿಯನ್ನು ಸಣ್ಣಕೆ ಕೊಚ್ಚಿ ಹಾಕಿ. ಇದನ್ನು ಅನ್ನಕ್ಕೆ ಹಾಕಿ ಕಲಸಿ ಊಟಮಾಡಿ.
ಇದೇ ವಿಧಾನದಲ್ಲಿ ಬೀನ್ಸ್, ಬೀಟ್‍ರೂಟ್, ಹೀರೇಕಾಯಿಯಲ್ಲಿಯೂ ಮಾಡಬಹುದು.