ಚಿಂತಾಮಣಿಯಲ್ಲಿ ರಾಷ್ಟ್ರೀಯ ಅಂತರ್ ಜಿಲ್ಲಾ ಅಥ್ಲೆಟಿಕ್ಸ್ ಅಸೋಸಿಯೇಷನ್ ವತಿಯಿಂದ ಹಮ್ಮಿಕೊಂಡಿದ್ದ ರಾಷ್ಟ್ರೀಯ ಅಂತರ್ ಜಿಲ್ಲಾ ಚಾಂಪಿಯನ್ ಶಿಪ್ ನಲ್ಲಿ ಶಿಡ್ಲಘಟ್ಟದ ಕ್ರೆಸೆಂಟ್ ವಿದ್ಯಾಸಂಸ್ಥೆಯ ನಾಲ್ವರು ವಿದ್ಯಾರ್ಥಿಗಳು ವಿಜೇತರಾಗಿದ್ದಾರೆ. ತಿರುಪತಿಯಲ್ಲಿ ನವೆಂಬರ್ ೨೩, ೨೪ ಮತ್ತು ೨೫ ರಂದು ನಡೆಯುವ ರಾಷ್ಟ್ರೀಯ ಕ್ರೀಡಾ ಸ್ಪರ್ಧೆಯಲ್ಲಿ ಈ ವಿದ್ಯಾರ್ಥಿಗಳು ಭಾಗವಹಿಸಲು ಅರ್ಹತೆಯನ್ನು ಗಳಿಸಿದ್ದಾರೆ.
೧೪ ರಿಂದ ೧೬ ವರ್ಷ ವಯೋಮಿತಿಯ ಕ್ರೀಡಾ ಸ್ಪರ್ಧೆಯಲ್ಲಿ ಚಂದುಶ್ರೀ (ಹರ್ಡಲ್ಸ್, ಉದ್ದಜಿಗಿತ, ೧೦೦ ಮೀಟರ್ ಓಟ), ರಕ್ಷಾ (ಉದ್ದಜಿಗಿತ, ಗುಂಡು ಎಸೆತ), ಪ್ರತೀಕ್ಷಾ (೧೦೦ ಮೀಟರ್ ಓಟ, ೪೦೦ ಮೀಟರ್ ಓಟ), ಜಯಂತ್ (೧೦೦ ಮೀಟರ್ ಓಟ, ೪೦೦ ಮೀಟರ್ ಓಟ) ವಿಜೇತರಾಗಿದ್ದಾರೆ.
ಕ್ರೀಡಾ ಶಿಕ್ಷಕರಾದ ಶಿವಮೂರ್ತಿ, ಮುನಿನರಸಿಂಹಪ್ಪ, ಮಧು ಹಾಜರಿದ್ದರು
