ಕಲ್ಲುಗಳ ನಡುವೆ ಹಸಿರು ಕೀಲ್ ಬ್ಯಾಕ್ ಹಾವು ಪತ್ತೆ: ರಕ್ಷಿಸಿ ಕಾಡಿಗೆ ಬಿಟ್ಟ ಸ್ನೇಕ್ ನಾಗರಾಜ್
Sidlaghatta : ಶಿಡ್ಲಘಟ್ಟ ತಾಲ್ಲೂಕಿನ ಕೊತ್ತನೂರು ಗ್ರಾಮದ ಚನ್ನಬಸವಯ್ಯ ಅವರ ಹೋಟೆಲ್‌ ಆವರಣದ ಕಾಂಪೌಂಡ್‌ ಕಲ್ಲುಗಳ ನಡುವೆ ಹಸಿರು ಕೀಲ್ ಬ್ಯಾಕ್ ಹಾವು ಪತ್ತೆಯಾಗಿದೆ. ಸ್ಥಳೀಯ ಸ್ನೇಕ್ ನಾಗರಾಜ್ ಅವರು ಹಾವನ್ನು ಸುರಕ್ಷಿತವಾಗಿ ಹಿಡಿದು, ರಕ್ಷಿಸಿ, ಕಾಡಿನ ಪ್ರದೇಶದಲ್ಲಿ ಬಿಟ್ಟಿದ್ದಾರೆ.
ಹಸಿರು ಅಥವಾ ಹಸಿರು-ಹಳದಿ ಬಣ್ಣ ಹೊಂದಿರುವ ಈ ಹಾವಿನ ಕುತ್ತಿಗೆಯ ಭಾಗದಲ್ಲಿ ಕಪ್ಪು ಬಣ್ಣದ “ವಿ” ಆಕಾರದ ಗುರುತುಗಳಿರುತ್ತವೆ. ಸಾಮಾನ್ಯವಾಗಿ ಮಧ್ಯಮ ಗಾತ್ರದಲ್ಲಿ ಕಂಡುಬರುವ ಈ ಹಾವು ಸುಮಾರು 60ರಿಂದ 94 ಸೆಂಟಿಮೀಟರ್‌ ಉದ್ದ ಬೆಳೆಯುತ್ತದೆ.
“ನಮ್ಮ ಭಾಗದಲ್ಲಿ ಇದೇ ಮೊದಲ ಬಾರಿಗೆ ಈ ಹಾವನ್ನು ನೋಡುತ್ತಿದ್ದೇನೆ. ಚನ್ನಕೇಶವಸ್ವಾಮಿ ದೇವಾಲಯದ ನಿರ್ಮಾಣ ಕಾರ್ಯಕ್ಕೆ ಬೇರೆಡೆಯಿಂದ ಕಲ್ಲುಗಳನ್ನು ತರಲಾಗುತ್ತಿದೆ. ಆ ಕಲ್ಲುಗಳೊಂದಿಗೆ ಈ ಹಾವು ಬಂದಿರಬಹುದು ಎಂಬುದು ನನ್ನ ಅನಿಸಿಕೆ” ಎಂದು ಸ್ನೇಕ್ ನಾಗರಾಜ್ ತಿಳಿಸಿದರು.
ಈ ಹಾವು ಮುಖ್ಯವಾಗಿ ಕಪ್ಪೆಗಳನ್ನು ಆಹಾರವಾಗಿ ಸೇವಿಸುತ್ತದೆ. ಅಪಾಯದ ಮುನ್ಸೂಚನೆ ಸಿಕ್ಕಾಗ ಕುತ್ತಿಗೆಯನ್ನು ಉಬ್ಬಿಸಿ, ನಾಗರಹಾವಿನಂತೆ ಹೆಡೆ ಎತ್ತಿದ ಭಂಗಿಯನ್ನು ಪ್ರದರ್ಶಿಸುವ ಮೂಲಕ ಶತ್ರುಗಳನ್ನು ಬೆದರಿಸಲು ಪ್ರಯತ್ನಿಸುತ್ತದೆ.
ಹಾವುಗಳು ಕಂಡುಬಂದಾಗ ಅವುಗಳನ್ನು ಕೊಲ್ಲದೆ, ಅವುಗಳ ಬಳಿ ಹೋಗದೆ, ಪರಿಣತ ಉರಗ ರಕ್ಷಕರಿಗೆ ಮಾಹಿತಿ ನೀಡಬೇಕು ಎಂದು ನಾಗರಾಜ್ ಸಲಹೆ ನೀಡಿದರು.
ಇದನ್ನೂ ಓದಿ: ಬಲೆಗೆ ಸಿಲುಕಿದ್ದ ನಾಗರ ಹಾವಿನ ರಕ್ಷಣೆ.
For Daily Updates WhatsApp ‘HI’ to 7406303366
Summary in English
A green keelback snake was found among the compound stones of Channabasavaiah’s hotel premises in Kothanur village, Sidlaghatta taluk. Local snake rescuer Snake Nagaraj safely caught it and released it in a forest area. The snake is green or green-yellow with black V-shaped marks on the neck, grows to about 60 to 94 cm, feeds mainly on frogs, and inflates its neck and raises a hood-like posture, like a cobra, when it senses danger. Snake Nagaraj said this was the first time the snake had been seen in the area and suspected it came with stones brought from elsewhere for the construction of the Chennakeshava Swamy temple. People who see snakes are advised not to kill them or go near them, and to inform trained snake rescuers.
Be a reporter
ಊರಿನ ಸುದ್ದಿ, ಫೋಟೋ ಕಳುಹಿಸಿ.
Send news
