ತಾಲ್ಲೂಕಿನ ಶಿಲೇಮಾಕನಹಳ್ಳಿ ಗ್ರಾಮದ ತೋಟವೊಂದರಲ್ಲಿ ಬಿದ್ದಿದ್ದ ಪ್ಯಾರಾಚೂಟ್ ಮಾದರಿಯ ವಸ್ತುವೊಂದು ಶುಕ್ರವಾರ ಕೆಲಕಾಲ ಗ್ರಾಮಸ್ಥರಲ್ಲಿ ಗಾಬರಿಯನ್ನುಂಟು ಮಾಡಿತ್ತು.
ಗಾಳಿಯಲ್ಲಿ ತೇಲಿ ಬಂದ ಪ್ಯಾರಾಚೂಟ್ ಮಾದರಿಯ ವಸ್ತುವೊಂದು ತಾಲ್ಲೂಕಿನ ಹಂಡಿಗನಾಳ ಗ್ರಾಮ ಪಂಚಾಯಿತಿಯ ಶಿಲೇಮಾಕನಹಳ್ಳಿ ಗ್ರಾಮದ ಬಳಿಯ ತೋಟವೊಂದರಲ್ಲಿ ಬಂದು ಬಿದ್ದಿದ್ದು ಗ್ರಾಮದ ಕೆಲವರು ಹತ್ತಿರ ಹೋಗಿ ನೋಡಿದಾಗ ಅಲ್ಲಿದ್ದ ಬಾಕ್ಸೊಂದರ ಮೇಲೆ ಬಾಂಬ್ ಎಂದು ಬರೆದಿದ್ದನ್ನು ಕಂಡ ಗ್ರಾಮಸ್ಥರು ಕೂಡಲೇ ಗ್ರಾಮಾಂತರ ಪೋಲೀಸ್ ಠಾಣೆಗೆ ವಿಷಯ ಮುಟ್ಟಿಸಿದ್ದಾರೆ.
ಸ್ಥಳಕ್ಕೆ ಪೋಲೀಸ್ ಪೇದೆಯೊಬ್ಬರು ಹೋಗಿ ಪರಿಶೀಲನೆ ನಡೆಸಿ ಸ್ಥಳದಲ್ಲಿ ಪ್ಯಾರಾಚೂಟ್ ಮಾದರಿಯ ವಸ್ತುವೊಂದಿದ್ದು ಕೆಲ ಎಲೆಕ್ಟ್ರಾನಿಕ್ ವಸ್ತುಗಳನ್ನು ಬಳಸಿದ್ದ ಥರ್ಮಾಕೋಲ್ ಬಾಕ್ಸ್ ಇತ್ತಾದರೂ ಯಾವುದೇ ಬಾಂಬ್ ಇಲ್ಲವೆಂದು ಪೋಲೀಸರು ಖಚಿತಪಡಿಸಿದ ಮೇಲೆ ಗ್ರಾಮಸ್ಥರಲ್ಲಿದ್ದ ಗಾಬರಿ ದೂರವಾಯಿತು.
