ಮಕರ ಸಂಕ್ರಾಂತಿ ಪ್ರಯುಕ್ತ ಆತ್ಮರಾಮಸ್ವಾಮಿ ಉತ್ಸವ

ಶಿಡ್ಲಘಟ್ಟ ತಾಲ್ಲೂಕಿನ ದೇವರಮಳ್ಳೂರು ಗ್ರಾಮದಲ್ಲಿ 30 ದಿನಗಳ ಧನುರ್ಮಾಸದ ಪೂಜೆಯ ನಂತರ ಶನಿವಾರ ಮಕರ ಸಂಕ್ರಾಂತಿ ಹಬ್ಬದ ದಿನ ಆತ್ಮರಾಮ ಸ್ವಾಮಿ ಉತ್ಸವವನ್ನು ನಡೆಸಲಾಯಿತು.

 ಗ್ರಾಮದ ಪ್ರಮುಖ ಬೀದಿಗಳಲ್ಲಿ ನಾದಸ್ವರ ವಾದನದೊಂದಿಗೆ ಭಜನೆ ತಂಡದವರ ಹಾಡುಗಳೊಂದಿಗೆ ದೇವರನ್ನು ಮೆರವಣಿಗೆ ಮಾಡಲಾಯಿತು.

 ಗ್ರಾಮದಲ್ಲಿನ ಶಾಸನ ಕಲ್ಲುಗಳನ್ನು ಪೂಜಿಸಿ, ಅದನ್ನು ತೊಳೆದ ನೀರಿನ ಮೇಲೆ ರಾಸುಗಳನ್ನು ಓಡಾಡಿಸಿದಲ್ಲಿ ಒಂದು ವರ್ಷ ಕಾಲ ಯಾವುದೇ ರೋಗರುಜಿನಗಳು ಬರುವುದಿಲ್ಲ ಇದು ತಲತಲಾಂತರದಿಂದ ನಡೆದು ಕೊಂಡು ಬರುತ್ತಿರುವ ನಮ್ಮ ಊರಿನ ಸಂಪ್ರದಾಯ ಎನ್ನುತ್ತಾರೆ ಈ ಗ್ರಾಮದ ಹಿರಿಯರಾದ ಶ್ರೀರಾಮಪ್ಪ.

 ಇಂದು ವಿಶೇಷವಾಗಿ ರಾಸುಗಳನ್ನು ಸಿಂಗರಿಸಿ ಸಂಜೆ ಮೆರವಣಿಗೆ ಮಾಡಿ ಕಾಟಪರಾಯನ ಗುಡಿ ಬಳಿ ಅವರೆಕಾಯಿ ಕಡಲೆಕಾಯಿ ಬೇಯಿಸಿ ಮೆರವಣಿಗೆಯಲ್ಲಿ ಬಂದವರಿಗೆ ಪ್ರಸಾದವಾಗಿ ವಿನಿಯೋಗಿಸಲಾಯಿತು. ಹಾಗೆಯೇ ಗ್ರಾಮದ ಯುವಕರು ಸಂಪ್ರದಾಯದಂತೆ ಬೆಂಕಿ ಭರಾಟೆಗನ್ನು ತಿರುಗಿಸಿ ಆಚರಣೆ ಮಾಡಲಾಯಿತು.

 ಗ್ರಾಮದ ಮುಖಂಡರಾದ ಹಿರಿಯ ವಕೀಲ ಸುಬ್ರಮಣಿ, ಬಿಎಸ್ ಮುನಿರಾಜು, ವೇಣುಗೋಪಾಲ್, ಮುನಿರಾಜು, ಭೈರಪ್ಪ, ಅಕ್ಕಲಪ್ಪ, ಮುನಿರಾಜು, ರಾಮಣ್ಣ, ಮನೋಹರ್, ಮೂರ್ತಿ ಉತ್ಸವದಲ್ಲಿ ಪಾಲ್ಗೊಂಡಿದ್ದರು.

administrator

See author's posts

Related posts:

ದೇವರಮಳ್ಳೂರು ಸರ್ಕಾರಿ ಶಾಲೆಯಲ್ಲಿ ಗಂಡುಮಕ್ಕಳಿಗೆ ಶೌಚಾಲಯವಿಲ್ಲ ದೇವರಮಳ್ಳೂರು ಡಿ.ಎಂ.ಮಹೇಶ್ ಕುಮಾರ್ ಗೆ ರಾಜ್ಯಮಟ್ಟದ ಸದ್ಭಾವನಾ ಪ್ರಶಸ್ತಿ ಶ್ರೀ ಮಳ್ಳೂರಾಂಭ ದೇವಾಲಯ ರಥೋತ್ಸವದ ಪೂರ್ವಭಾವಿ ಸಿದ್ಧತೆ ದೇವರಮಳ್ಳೂರು ಗ್ರಾಮದಲ್ಲಿ ಮಳ್ಳೂರಾಂಭ ದೇವಿಯ ರಥೋತ್ಸವ ದೇವರಮಳ್ಳೂರು ಗ್ರಾಮದಲ್ಲಿ ಉಟ್ಲು ಉತ್ಸವ ಪುರಬೈರೇನಹಳ್ಳಿಯಲ್ಲಿ ಕಲ್ಲುಗಣಿಗಾರಿಕೆಗೆ ಅನುಮತಿ – ಸಾರ್ವಜನಿಕರ ಸಭೆ ತಾಲ್ಲೂಕಿನಾದ್ಯಂತ ಪುನೀತ್ ರಾಜ್‍ಕುಮಾರ್ ಅಭಿಮಾನಿಗಳಿಂದ ಶೋಕಾಚರಣೆ ಪರಿಸರಸ್ನೇಹಿ ದೀಪಾವಳಿ ಆಚರಣೆಗೆ ಒತ್ತು