ಹಿರಿಯ ವಿದ್ಯಾರ್ಥಿಗಳಿಂದ ಗುರುವಂದನೆ, ಸ್ನೇಹ ಸಮ್ಮಿಲನ: 1990–2002ರ ಬ್ಯಾಚ್‌ನಿಂದ ಶಿಕ್ಷಕರಿಗೆ ಸನ್ಮಾನ

Sidlaghatta : ತಾವು ಅಕ್ಷರ ಕಲಿಸಿದ ವಿದ್ಯಾರ್ಥಿಗಳು ಜೀವನದಲ್ಲಿ ಉತ್ತಮವಾಗಿ ಬೆಳೆಯುವುದನ್ನು ಕಂಡಾಗ ಶಿಕ್ಷಕರಿಗೆ ಹೆಚ್ಚಿನ ಸಂತೋಷವಾಗುತ್ತದೆ ಎಂದು ಜ್ಞಾನಜ್ಯೋತಿ ಪ್ರೌಢಶಾಲೆ ಮತ್ತು ಪಿಯು ಕಾಲೇಜಿನ ಪ್ರಾಂಶುಪಾಲೆ ಪಿ. ಮನುಶ್ರೀ ಹೇಳಿದರು. ಶಿಡ್ಲಘಟ್ಟ ತಾಲ್ಲೂಕಿನ ಜಂಗಮಕೋಟೆ ಕ್ರಾಸ್‌ ನ ಜ್ಞಾನಜ್ಯೋತಿ ಪ್ರೌಢಶಾಲೆ ಮತ್ತು ಪಿಯು ಕಾಲೇಜಿನಲ್ಲಿ ಭಾನುವಾರ 1990–2002ನೇ ಸಾಲಿನ ಹಿರಿಯ ವಿದ್ಯಾರ್ಥಿಗಳು ಆಯೋಜಿಸಿದ್ದ ಗುರುವಂದನೆ ಹಾಗೂ ಸ್ನೇಹ ಸಮ್ಮಿಲನ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು.

ಶಿಕ್ಷಕರು ನೀಡಿದ ಜ್ಞಾನದಿಂದ ಉತ್ತಮ ಬದುಕು ಕಟ್ಟಿಕೊಳ್ಳುವ ನಾವು ಅವರನ್ನು ಜೀವನದುದ್ದಕ್ಕೂ ಸ್ಮರಿಸಬೇಕು ಎಂದರು. ಸಂಪನ್ಮೂಲ ವ್ಯಕ್ತಿ ರಾಘವೇಂದ್ರ ಮಾತನಾಡಿ, ಸಮಾಜ, ಹೆತ್ತವರು ಹಾಗೂ ಗುರುಗಳ ಋಣ ತೀರಿಸುವ ಮೂಲಕ ಸಮಾಜಕ್ಕೆ ಕೊಡುಗೆ ನೀಡಬೇಕು ಎಂದರು.

ಯಾವ ಶಿಕ್ಷಕರಿಗೆ ಸನ್ಮಾನ?

ಹಿರಿಯ ವಿದ್ಯಾರ್ಥಿಗಳು ಅಂದಿನ ಶಿಕ್ಷಕರಾದ ಎಂ.ಟಿ. ಮಂಜುನಾಥ್, ನಾಗೇಂದ್ರ, ಎಂ.ಕೆ. ಅಂಜನಾಮೂರ್ತಿ, ಎ. ವೆಂಕಟೇಶ್‌ಮೂರ್ತಿ, ಲಕ್ಷ್ಮಣಪ್ಪ, ಅಸ್ಮತ್ ಉನ್ನೀಸ್ಸಾ ಹಾಗೂ ಟಿ.ಕೆ. ಕಲ್ಪನಾ ಅವರನ್ನು ಸನ್ಮಾನಿಸಿದರು.

ಗ್ರಾಮೀಣ ವಿದ್ಯಾಭಿವೃದ್ಧಿ ಸಂಸ್ಥೆ ಅಧ್ಯಕ್ಷ ಕೆ. ಗುಡಿಯಪ್ಪ, ಟಿ.ಎಸ್. ಕೃಷ್ಣಮೂರ್ತಿ, ಮುಖ್ಯ ಶಿಕ್ಷಕ ಅಂಜನಾಮೂರ್ತಿ, ಹಿರಿಯ ವಿದ್ಯಾರ್ಥಿಗಳಾದ ಎಚ್.ಎಸ್. ನವೀನ್, ಬಿ.ಎಂ. ನಾಗರಾಜ್, ಬಸವರಾಜು, ಎಂ. ಬಾಬು, ಅನಿಲ್, ಜಿ. ಉಷಾ, ಎಚ್.ಆರ್. ಶಿಲ್ಪಾ, ಎನ್.ಸಿ. ಕಲ್ಪನಾ, ಮಂಜುಳಾ, ಬಿ.ಎನ್. ನೇತ್ರಾ, ಬಿ.ಎನ್. ದಿಲೀಪ್ ಇದ್ದರು.

ಇದೇ ಶಾಲೆಯ ಮುಖ್ಯ ಶಿಕ್ಷಕರಿಗೆ ಸಂದ ಗೌರವದ ಕುರಿತು ಅಂಜನಾಮೂರ್ತಿಗೆ ರಾಜೀವ್ ಗಾಂಧಿ ರಾಜ್ಯಮಟ್ಟದ ಶ್ರೇಷ್ಠ ಶಿಕ್ಷಕ ಪ್ರಶಸ್ತಿ ವರದಿಯನ್ನು, ಇತ್ತೀಚಿನ ಮತ್ತೊಂದು ಗುರುವಂದನೆ ಕುರಿತು ಬಶೆಟ್ಟಿಹಳ್ಳಿ ಶಾಲೆಯ 1999-2000ರ ಎಸ್‌ಎಸ್‌ಎಲ್‌ಸಿ ಬ್ಯಾಚ್‌ನಿಂದ ಗುರುವಂದನೆ, ಸ್ನೇಹ ಸಮ್ಮಿಲನ ವರದಿಯನ್ನೂ ಓದಿ.

For Daily Updates WhatsApp ‘HI’ to 7406303366